Astean zehar, ezkerreko goiko aldean, aste birik behin asmakizunak agertzen dira. Hona hemen guztiak zerrendaturik. Zer diren igarri ezin baduzu…. pdf-a jaitsi.
- Hitzek naukate, soinurik ez daukat, letra bat naiz, zein naiz?
- Aurrean punta bi eta atzean zulo bi, sudurra ez naiz, zer naiz?
- Izara bat, harizkoa ez ; ura ezik dena estaltzen dut.
- Zabala eta argitsua, batzuetan zaratatsu, askotan negartsu.
- Inoiz ikusten ez, eta nonahi firi -firi, inola harrapatzerik ez, eta bera gabe ezin bizi.
- Aldrebesa naiz, neguan biluzik eta udan arropaz beterik.
- Buru handia, baina leporik ez; ipurdi mugikorra, baina hankarik ez.
- Nola zulatu globo bat airerik eta zaratarik atera barik?
- Bi mendiren arteko tiro zaratatsua,
- Agertu eta desagertu, desagertu eta agertu, kalean daramat nigandik gertu.
- Gona luzea du, mihia motza; urrutitik entzuten da haren kantu hotsa.
- Udan jendez beterik, neguan huts-hutsik; zutik baino jende gehiago egoten da han etzanik.
- Bata bestearen gainean, hor daude zure gorputzean musuka denbora guztian.
- Amak bi ditu, aitak ere bai. Semeak bat ere ez eta alabak hiru. Zer da?
- Kobazulo hori beti dago hezea, hesi zuriz inguratua han bizi da herensugea.
- Bi ama eta bi alaba, ondo zenbatzen baduzu, ez dira lau, hiru baizik.
- Botilaren muturrean naukazu eta ezinezko da edatea, baina ni askatzeko hobe duzu bi ezpainak ongi ixtea.
- Jateko balio du, ukitzeko, txalo egiteko eta,nola ez! orri hau pasatzeko.
- Kristal polita, beti bustita. Nahi dugu udan, badagu neguan.
- Zangorik ez eta azkar dabil
- Parean doaz bi nini, ezin begiratuz elkarri.
- Norbaitek burua pizten badio, suzko malkoak darizkio.